Coxersa cuenta tener esti añu un gastu de cinco millones más que los sos ingresos
El beneficiu del consorciu pa la xestión de residuos algamó los dos millones en 2024, frente a los 4.299 euros del exerciciu anterior
Coxersa
Sixto Cortina (Traducción)
Coxersa, Consorciu públicu pa la xestión de residuos d'Asturies, cuenta pa esti añu con encarar pagos de 32,63 millones d'euros, frente a los 27,20 millones qu'albidra ingresar. Esto ye, una diferencia na so contra de 5,4 millones, según se conseña nel plan de tesorería pa 2025 que la sociedá contaba aprobar esti día, y al que tuvo accesu esti diariu. Con too y con ello, la entidá afirma disponer de la lliquidez abonda pa encarar esa fienda, por aciu de que tien un saldu inicial de tesorería de 58,67 millones. Coles mesmes, cuenta con pagar a los sos proveedores nun plazu mediu inferior a 30 díes, acordies coles normes de morosidá.
El documentu tamién recueye'l so plan de subvenciones pal períodu 2025-2028, nel que va destinar 216.364 euros añales pa meyorar la calidá de vida en parroquies cercanes al centru de tratamientos de residuos de la compañía, en Serín, y 60.000 euros al añu (ampliables) pa la Cátedra d'Economía Circular de la Universidá d'Uviéu. L'informe apunta como bienes non aplicables 74 bateríes de contenedores soterraos, instalaos nos años 2003 y 2004, que Coxersa declaró obsoletos, yá que nun cumplen la normativa actual y el so usu nun ufierta seguridá abondo.
Per otru llau, Coxersa llogró l'añu pasáu un beneficiu de 2,05 millones d'euros, un importante incrementu frente a los escasos collechaos en 2023, de 4.299,4 euros. Asina se conseña nel balance de 2024 de la sociedá pública, tamién consultáu por esti periódicu.
El pasáu exerciciu, el consorciu llogró unos ingresos de 24,5 millones d'euros, llograos por aciu de la facturación a los sos 2.743 veceros. Magar los gastos nun se detallen nun capítulu concretu del informe de cuentes, del so analís sácase que xubieron a 22,43 millones, incluyendo'l pagu del impuestu de Sociedaes, que se cifró en 97.236 euros. El balance cifra los activos de la empresa, a fecha del 31 d'avientu del pasáu añu, en 159,2 millones, y un pasivu corriente de 10,4 millones, de los que la inmensa mayoría son creitos financieros. Coxersa, según el documentu, cuenta con 358 trabayadores.
"Cola ayuda del Gobiernu del Principáu d'Asturies"
- Sánchez llama a las empresas de defensa para diseñar el rearme y excluye a Santa Bárbara
- Una explosión de grisú en la mina de Cerredo (Degaña) provoca cinco muertos y cuatro heridos graves
- El Rector apoya las nuevas trabas de Sánchez para crear universidades privadas: 'No nos preocupa competir, sino que todos respetemos las reglas del juego
- El desgarrador testimonio de los familiares de las víctimas de la mina de Cerredo: 'Estaba como loco con su niño de 2 años
- Un abuelo que 'siempre paseaba con su nieto', un trabajador que 'quería jubilarse', un padre que deja dos hijas... Así eran los trabajadores que murieron en la mina de Degaña
- Explosión en una mina de Asturias, en directo: el número de muertos asciende a cinco tras localizar al último atrapado
- Los cinco muertos por la explosión de grisú en la mina de Degaña tenían entre 33 y 54 años
- ¿Qué causó la grave explosión de grisú en la mina de Cerredo? Solo había permiso para investigar una futura explotación de grafito y desmontar viejas estructuras
