La lletricidá alza la inflación una décima, hasta'l 3%
Inflación. / LNE
La inflación xubió una décima en febreru, hasta'l 3 % en tasa interañal, por mor principalmente del encarecimientu de la lletricidá, que los sos precios baxaron nel mesmu mes del añu pasáu (esi contraste ye lo que téunicamente se conoz como "efeutu pasu" o "efeutu base"). El datu adelantáu del índiz de precios de consumu (IPC) publicólu esti día l'Institutu Nacional d'Estadística (INE). La cifra definitiva y la evolución por componentes va conocese'l 14 de marzu.
El repique de la lletricidá en febreru compensó la influencia a la baxa de los carburantes y llubrificantes pa vehículos personales, con unos precios que xubieron menos que nel mesmu mes del añu pasáu.
L'IPC lleva cinco meses consecutivos al alza dende'l mínimu marcáu en septiembre (1,5%). Sicasí, dende'l Ministeriu d'Economía, Comerciu y Empresa destacaron esti día que la inflación soxacente –que nun tien en cuenta los alimentos ensin ellaborar nin los productos enerxéticos, y que'l so preciu ye especialmente cambiadizu– sigue amenorgando, y que yá s'alcuentra "na redolada del oxetivu del Bancu Central Européu".
En concretu, la soxacente menguó trés décimes nel segundu mes del añu, hasta'l 2,1 %, la más baxa dende avientu de 2021. La soxacente presenta un enclín a la baxa dende xunu de 2024, cuando taba nel 3 %.
En tasa mensual, los precios aumentaron dos décimes en febreru al respeutive de xineru, hasta'l 0,4%, encadenando cinco meses con tases mensuales positives, según detalló l'INE.
N'Asturies. Nel Principáu, l'últimu datu conocíu ye'l de xineru, cuando l'IPC aumentó nuna décima, al pasar del 3,1% d'avientu al 3,2%, anque nel casu de los alimentos producióse una moderación del 2,3 al 2,2%. En tasa interañal, la mayor xuba de precios correspondió al grupu de la vivienda, un 8,4%.
"Cola ayuda del Gobiernu del Principáu d'Asturies"
- Habla el vecino de Degaña que denunció actividades ilegales en la mina: una entrada 'clandestina' y un correo que nadie miró
- La posible venta que pone en peligro la actividad industrial de DuPont en Asturias
- Santa Bárbara contraataca a Indra tras su intento de compra: 'No puede competir con nosotros; no dispone de suficiente tecnología para ello
- Golpe de timón en Duro Felguera: lo mexicanos aparcan uno de los negocios que eran claves para reflotar la empresa
- Más que sospechas sobre la mina del accidente mortal en Degaña: no operaba 'de forma normal', distintas 'empresas falsas y quinquis', y lo que certificó una sentencia
- Denuncian ante la Fiscalía que la mina de Cerredo sacaba carbón ilegalmente: mareos por el 'aire viciado' y la 'falsedad del grafito
- Belarmina Díaz acusa a Pumares (Foro) de 'machista': 'No permitiré que nadie ataque a mi familia ni a mi honorabilidad
- Aparece tres días después una joven huida de Psiquiatría del HUCA que se había marchado con otra chica ingresada
