El Monoloco confirma tolos artistes que van aportar a Avilés: esti ye'l cartel del festival

El Monoloco prometía traer a dellos de los artistes más importantes de la escena urbana española y nun incumplió la so palabra. El festival, que se va celebrar el 30 d'abril nel Pabellón de La Madalena d'Avilés, zarró'l so cartel col nome de Camin, artista qu'atropa más de dos millones d'oyentes en Spotify. El cartel ta encabezáu por Juan Magán, el rei del electru llatinu, que trai una propuesta musical pa tolos públicos. 

Los dos últimos nomes n'axuntase a la programación del Monoloco, John Pollón y Camin, son dos de les grandes promeses de la escena urbana española. El primeru, nacíu n'El Bierzo, tien grandes hits como "No Es Lo Mío" o "Un Ratito Más", mentanto que l'andaluz conquistó al públicu con temes como "34 Amor y Mafia", amás de permunches collaboraciones d'ésitu. La so fusión de soníos urbanos con toques modernos convirtiólu nuna referencia en constante crecimientu.

Amás, Hard GZ tará apurriendo'l so estilu de rap únicu y afitándose como una de les voces más importantes del rap español, reconocíu pola so potente puesta n'escena. Al pie de él, los DJs Selecta, Alex Martini y Barce van asegurar que'l ritmu nun apare en momentu nengún nel eventu.

Con esti cartel, el Monoloco Fest aumenta la espectación y les ganes pola llegada del festival a la ciudá d'Avilés. Les llocures, bona música y delles zones d'ociu tán aseguraes.

"Cola ayuda del Gobiernu del Principáu d'Asturies"