La nueva ferramienta pa denuncies, suxerencies y felicitaciones sobre l'usu del asturianu
El Buzón del Asturianu ta yá disponible na páxina web de l'asociación Iniciativa pol Asturianu
El Buzón del Asturianu ta yá disponible na páxina web de l'asociación Iniciativa pol Asturianu / Iniciativa pol Asturianu
S. C.
Iniciativa pol Asturianu entamó'l Buzón del Asturianu, una nueva ferramienta gratuita abierta a tola ciudadanía pa "canalizar les quexes delantre de les alministraciones, instituciones y empreses que vulneren los drechos llingüísticos de los falantes".
Al traviés d'esti canal tamién se van poder treslladar "suxerencies, propuestes y felicitaciones a aquelles organizaciones que seyan un exemplu y dean pasos alantre pa garantizar el drechu a vivir n'asturianu", según explica esti coleutivu.
El Buzón del Asturianu ta yá disponible na páxina web d'Iniciativa pol Asturianu. Les persones interesaes en comunicar cualquier asuntu "namás van tener que rellenar un formulariu, que van poder complementar con semeyes y documentos", detallen.
La entidá comprométese a protexer l'anonimatu de les persones que se pongan en contautu, pero nun van almitir comunicaciones anónimes.
Reconocer los pasos alantre nel usu del asturianu
El presidente d'Iniciativa pol Asturianu, Iván Llera, destacó que dende va tiempu recueyen "una bayura de quexes y discriminaciones pol usu llibre del idioma" y por esi motivu quixeron dar visibilidá "a la represión llingüística".
Llera recordó, tamién, que "Iniciativa pol Asturianu ye una asociación que quier trabayar en positivo" y que por esi motivu quieren "reconocer tolos pasos alantre nel usu del asturianu tanto nes instituciones públiques como n'espacios privaos".
Con toles denuncies, suxerencies, felicitaciones y consultes recibíes, Iniciativa pol Asturianu va ellaborar "un informe añal", que va permitir "facer siguimientu de cuáles son les problemátiques que más afecten a la ciudadanía".
"Cola ayuda del Gobiernu del Principáu d'Asturies"
- Me veo con fuerzas para estar al cien por cien en el Principado, pero mi batalla contra el cáncer todavía durará años
- Nuevo movimiento en el sector de la defensa: Santa Bárbara negocia la fabricación en Trubia de 40 blindados para Letonia
- Crisis política en el Principado: la consejera de Industria, Belarmina Díaz, dimite dieciséis días después del accidente de la mina de Cerredo
- El Principado anuncia matrícula gratis para todos los estudiantes que empiecen el próximo curso a la Universidad
- El increíble rescate de cinco senderistas en Somiedo que sufrían hipotermia: de madrugada y en plena tormenta de nieve
- Así amanecieron hoy las alturas de Asturias: esta es la previsión para los próximos días
- Los médicos que vayan a las alas ganarán hasta 8.400 euros más al año y podrán acortar la semana laboral
- Fallece Alberto Toyos, la gran voz radiofónica de la música en Asturias
