La rebaxa de la lluz del estatutu de les electrointensives recórtase un 65%
El Gobiernu, que tien torgáu'l descuentu del 80% nos peaxes de la rede, anuncia ayudes de 11 millones pa esti añu frente a los 32 del pasáu
La rebaxa de la lluz del estatutu de les electrointensives / LNE
L'ayuda pa que la gran industria asturiana nun pierda competitividá pol preciu de la enerxía sigue menguando. Les rebaxes nel recibu de la lluz incluyíes nel estatutu de los consumidores electrointensivos van cayer esti añu a 11 millones d'euros, son 21 millones menos que l'añu pasáu y 75 menos qu'en 2023. Amás, el Gobiernu sigue ensin aprobar la prórroga de la rebaxa estraordinaria del 80% de los peaxes de la factura a la industria electrointensiva, una midida valorada en cerca de 200 millones añales que decayó en xineru cola derogación del decretu ómnibus. El Gobiernu anunció que restablecería la rebaxa, pero pel momento nun lo fixo y la factura de la lluz que paga la gran industria española sigue siendo'l doble de la que paga la de Francia, según l'Asociación d'Empreses con Gran Consumu d'Enerxía (AEGE), a la que pertenecen compañíes con fuerte pesu n'Asturies como ArcelorMittal o Asturiana de Cinc.
El ministru d'Industria, Jordi Hereu, anunció va unos díes que la próxima selmana va entamase una nueva convocatoria pa la concesión d'ayudes al sector electrointensivu pa compensar los cargos de la factura eléctrica destinaos a la financiación de la retribución específica a anovables y coxeneración d'alta eficiencia y pola financiación adicional nos territorios non peninsulares. Son rebaxes incluyíes nel estatutu de les electrointensives y que, según destacó Hereu, "son claves pal sector industrial porque meyoren la so competitividá y refuercen les sos capacidaes y l'empléu nun momentu onde fai falta reindustrializar España". Hereu destacó qu'esti añu les ayudes van ser de 11 millones, pero nun señaló que va ser la cuantía más baxa dende la so creación. Fuera del estatutu, les industries tamién se beneficien de les compensaciones pol CO2, qu'esti añu van xubir de 300 a 600 millones, según Industria.
"Cola ayuda del Gobiernu del Principáu d'Asturies"
Suscríbete para seguir leyendo
- Gran atasco en el argayón del Huerna en la vuelta de Semana Santa: cientos de conductores sufrieron retenciones
- Este gas es la segunda causa de cáncer de pulmón y once concejos estarán obligados a medirlo en centros de trabajo
- El accidente de Cerredo hace estallar la larga y soterrada guerra por el carbón: denuncias y lucha por los restos de un imperio
- Una dura sentencia obliga a las residencias geriátricas asturianas a modificar su presupuesto: 662.000 euros por daños
- Me incliné por ser ginecólogo cuando logramos salvar la vida de una mujer con una hemorragia posparto que parecía irresoluble
- El lobo mata en Navelgas las ovejas de la familia del Director de Planificación Agraria del Principado
- Herida una conductora al volcar con su todoterreno en Tineo
- El parentesco asturiano del Papa: el día que Francisco desveló su vínculo familiar en Coaña
