Alejandro Rodríguez, premiu "Madreñina del Añu" en Bezanes (Casu)
El galardón reconoz el llabor del artesanu, divulgador del "arte de facer madreñes"
Alejandro Rodríguez. / Sara Arias
L'Asociación Recreativa, Cultural y de Festexos de Sobrecastiellu (Bezanes, Casu) escoyó al madreñeru de 84 años Alejandro Rodríguez Junco como'l galardonáu d'esti añu col premiu "Madreñina del Añu". L'asociación reconoz que Rodríguez Junco sigue ellaborando esti tradicional calzáu y que, amás, "desarrolla una importante llabor de divulgación", yá que sigue allegando a numberoses "feries per tol territoriu nacional", mesmo que diendo a "centros escolares, onde enseña a los más pequeños l'arte de facer madreñes".
El xuráu del premiu tuvo compuestu por Miguel Fernández, alcalde de Casu; Esther Valdés, alcaldesa pedánea de Sotu; Jesús Cabilla, alcalde pedáneu de Belerda; Cristóbal Rodríguez, presidente de l'asociación vecinal de Pendones, y José María García, alcalde pedáneu de Tarna. Tamién tuvieron na xunta la presidenta de la organización, Marta Caldevilla, y el secretariu de l'asociación, Luis Palacios.
El galardón va apurrise'l próximu 3 d'agostu, en Bezanes, depués de la IV edición del Campeonatu del Mundu de Carrera de Madreñes. El premiu reconoz a les persones, instituciones o empreses que destaquen na protección de "la cultura rellacionada cola ellaboración de les madreñes".
Esti añu, el plazu d'inscripción pa la carrera –va haber cuatro categoríes– lleva selmanes abierta. Les inscripciones pueden facese online nel enllaz cofebe.webnode.es y nel Instagram de la comisión de festexos.
“Cola ayuda del Gobiernu del Principáu d´Asturies”.
- Me veo con fuerzas para estar al cien por cien en el Principado, pero mi batalla contra el cáncer todavía durará años
- Nuevo movimiento en el sector de la defensa: Santa Bárbara negocia la fabricación en Trubia de 40 blindados para Letonia
- Crisis política en el Principado: la consejera de Industria, Belarmina Díaz, dimite dieciséis días después del accidente de la mina de Cerredo
- El Principado anuncia matrícula gratis para todos los estudiantes que empiecen el próximo curso a la Universidad
- El increíble rescate de cinco senderistas en Somiedo que sufrían hipotermia: de madrugada y en plena tormenta de nieve
- Así amanecieron hoy las alturas de Asturias: esta es la previsión para los próximos días
- Los médicos que vayan a las alas ganarán hasta 8.400 euros más al año y podrán acortar la semana laboral
- Fallece Alberto Toyos, la gran voz radiofónica de la música en Asturias
