Entamáu'l campeonatu del mundu de carrera en madreñes: asina va ser y asina puedes inscribite
La competición va celebrase en Bezanes, Casu, el sábadu 3 d'agostu
Manuela Eleazar Fernández, Marta Caldevilla y Miguel Fernández, esti día, n'El Campu (Casu)
El próximu 3 d'agostu la localidá casina de Bezanes, en plenu corazón del parque natural de Redes, volverá allugar el Campeonatu del Mundu de Carrera de Madreñes, que cumple yá la so cuarta edición. L'añu pasáu más de mediu centenar de persones participaron na competición. Esti añu quieren superase eses cifres, y ello ye que yá s'abrió la inscripción pa les persones que quieran participar nesta particular carrera, qu'axunta deporte con tradición.
El salón de plenos del Conceyu de Casu acoyó l'actu de presentación del IV Campeonatu del Mundu de Carrera de Madreñes. Pa sofitar la prueba tuvo la directora xeneral de Deportes del Principáu, Manuela Eleazar Fernández, xunto cola presidenta de l'Asociación Cultural, Recreativa y de Festexos de Sobrecastiellu, Marta Caldevilla. Con elles, l'alcalde casín, Miguel Fernández.
Esti añu va haber cuatro categoríes, poles trés del añu anterior. Va haber una primera de neños d'hasta 7 años; una segunda, d'ente 1 a 13 años; la categoría trés, con edaes d'ente 14 y 49 años y una carrera senior, pa mayores de 50. El percorríu, amás, aumenta en 200 metros nes dos categoríes p'adultos, hasta llegar casi al mediu kilómetru (450 metros). Pa los mozos de 7 a 13 años, la carrera va tener 100 metros de llargor. Esti añu, depués de la gran asistencia de públicu de la carrera del añu pasáu, va habilitase "otru aparcamientu gratuitu", amás del yá esistente.
Les inscripciones pueden facese online nel enllaz cofebe.webnode.es y nel Instagram de la comisión de festexos.
“Cola ayuda del Gobiernu del Principáu d´Asturies”.
- Llega la borrasca Olivier a Asturias: la región, en alerta por tormentas y fuertes lluvias
- El químico asturiano que ha logrado una prestigiosa beca 'Leonardo' para investigar sobre leucemia
- Adiós a Carlos Suárez, alpinista fallecido en un salto base en Toledo: siempre volvía al Urriellu, donde hizo historia
- El empresario tras la mina de Cerredo: un acusado de narcotráfico que se enriqueció con carbón ruso
- Las claves de la tormenta política por el accidente de la mina, con una consejera en el punto de mira: el PSOE ciñe la investigación a la empresa, pero IU exige más
- La mayor central hidráulica de la región estará en Tineo: los detalles de la inversión de 500 millones proyectada por EDP
- La inusual decisión de la Fiscalía en el 'caso Cerredo' para tomar su control y pedir peritos ajenos al Principado para investigar
- Barbón no descarta ceses en la administración tras el accidente minero y anima a la Consejera a que se centre 'en dar explicaciones
