Nunca es tarde para flechazos virtuales

–Faime un espacio nes tus nueches, Cova.

–¿Qué, ho?

–Quiero suañar contigo.

–¿Entós?

–Yes mi crush, boba.

–¿Que qué, ho?

–No sé, ye algo pasional, Covina, superior a mí.

–¡Ai madre!

–Yes lo que necesito pero nun puedo tener.

–¿Qué me tas contando, Ismael?

–Amor a primera vista.

–¡Pero si tas fartucu de veme!

–¡En les redes, Cova!

–¿Qué, ho?

–Véote y quedo atochecíu.

–Pero si nunca miraste pa mí.

–Ya, coño, pero nel feisbu sí.

–¿Cómo ye, ho?

–Les tus fotos na piscina de Valencia de Don Juan son algo espectacular.

–Pero…

–¿Y esti selfi col mandil faciendo tortos?

–Bah, calla.

–Dígotelo como lo siento, Cova. ¡Vite y enamoreme!

–Yes peor que los guajes. ¡Nun sabes ni lo que hables!

–Tienes un postureo, guapina, que mete mieo. ¡Mira p’ahí!

–Anda, deja de rabilar. ¡Tú antes d’andar col móvil nun yeres así!

–Ya. Pero atopé col tu muru de feisbu y enamoreme de repente.

–¡Lo que nos faltaba! Depués de vieyos...

–Fui a Verdicio y etiquetete, y nun pusiste me gusta, pero yo a toles fotos tuyes póngo-yos un corazón.

–¡Ai madre! ¡Más gorda nun entra en prau!

–¿Por?

–Lo tuyo nun ye ni medio normal, ¡tas trastornáu!

–Qué bien das en pantalla, fía.

–¡Cuarenta años de vecinos! ¡Tolos días viéndome pol paséu del colesterol!

–Cova, Covina...

–Nunca me dijiste ni mu. Y ahora dame por poner unes fotos en pareo...

–¡Yes mi crush!

–Anda, calla, que nun sabes ni lo que charres. Buena la ficieron los tus nietos metiéndote n’interné...

–¿Y tú qué, guapina? ¡Que yes la reina del postureo!

–¿Yo? ¡Ni miro pa ello! Los mis nietinos, que ponen fotos del veraneo...

–Sí, sí, ya. Bien que te presta posar.

–Pero nun fago como tú, chiflaste con tanta modernidá. Yo ni crush ni crash.

–Voi ponete otru corazón. Me gusta, me encanta, me…

–¿Quies parar de rabilar ya?

–Uf. ¡Tú con tantes curves y yo ensin frenos!

–¿Qué dices, Ismael? ¿Sentáronte mal les vacunes o qué?

–Que no, muyer. Tú pon fotos, yo sueñote.

www.parandoenvillalpando.com

Suscríbete para seguir leyendo